hyen
hyen

Էրազմուս +

Դասավանդման և ուսումնառության մեթոդների քննարկում Երևանի պետական համալսարանում

Նոյեմբերի 22-ին Երևանի պետական համալսարանում տեղի ունեցավ «Դասավանդման և ուսումնառության մեթոդներ» թեմայով քննարկում։ Հանդիպման նպատակն էր մասնակիցներին ներկայացնել Էրազմուս+ բուհերի
կարողությունների զարգացման ծրագրերի շրջանակում դասավանդման և ուսումնառության արդյունավետ փորձը։
Պանելային քննարկմանը մասնակցում էր ՀՀ կրթության, գիտության, մշակույթի ու սպորտի նախարարի տեղակալ պարոն Կարեն Թռչունյանը։
ԵՀՀ-ից միջոցառմանը մասնակցեցին Հետազոտությունների ռեսուրս կենտրոնի ղեկավար Մ․ Մաթոսյանը, Իրավագիտության և միջազգային հարաբերությունների ինստիտուտի դասախոս Մ․ Մուրադյանը, «Հայբուսակ»
բժշկական ինստիտուտի դասախոս Լ․ Ենգիբարյանը և ԶԿՈԱԿ թիմը։

Բուհերի միջազգային կապերի աշխատակիցների հանդիպում հայաստանում Էրազմուս+ գրասենյակի ներկայացուցիչների հետ

Նոյեմբերի 8-ին Հայաստանի ազգային ագրարային համալսարանում տեղի ունեցավ բուհերի միջազգային կապերի աշխատակիցների հանդիպումը Հայաստանում Էրազմուս+ գրասենյակի ներկայացուցիչների հետ։ Բացման խոսքով հանդես եկավ Հայաստանում Էրազմուս+ ծրագրերի համակարգող Լանա Կառլովան։ Հանդիպման նպատակն էր մասնակիցներին իրազեկել Էրազմուսի ընձեռած հնարավորություններից և արդյունքներից։ Մասնակիցները նաև քննարկեցին համալսարաններում սոցիալական ներառականությանը։ ԵՀՀ-ի ԶԿՈԱԿ-ի աշխատակիցները ևս մասնակցեցին հանդիպմանը։

Հանդիպում Հայաստանում Էրազմուս+ ազգային գրասենյակի ներկայացուցիչների հետ

Հոկտեմբերի 19-ին Երեւանի «Հայբուսակ» համալսարանում կայացավ հանդիպում Հայաստանում Էրազմուս+ ազգային գրասենյակի ներկայացուցիչների՝ ծրագրի համակարգող Լանա Կառլովայի եւ պատասխանատու Վարդ Ղուկասյանի հետ։
Հանդիպման նպատակն էր իրազեկել ուսանողներին Էրազմուս+ փոխանակման ծրագրի առավելությունների մասին, ինչպես նաեւ ծանոթացնել մասնակցության պայմաններին եւ հնարավորություններին։
Ներկայացացուցիչները խոսեցին «էրազմուս մունդուս» համատեղ մագիստրոսական ծրագրերի մասին, որոնց դիմելով, ուսանողները կարող են ամբողջական կրթաթոշակ ստանալ եւ ներգրավվել Եվրամիության կողմից ֆինանսավորվող համատեղ մագիստրոսական ծրագրերի մեջ:
Ուսանողները եւ պրոֆեսորադասախոսական անձնակազմը սիրով քննարկեցին համագործակցության հետագա ընթացքը։
Ծրագրի մասին մանրամասն տեղեկատվություն ստանալու, դիմելու եւ այլ մանրամասների համար, կարող եք անցնել հետևյալ հղումով՝ https://erasmusplus.am/about-programme/?lang=hy։

Էրազմուս+ օր ՀՀ Ազգային գրադարանում

Հոկտեմբերի 14-ին Հայաստանում Էրազմուս+ գրասենյակը և Էրազմուս+ Երիտասարդության և համերաշխության կորպուսը կազմակերպել էին հանդիպում՝ իրենց շարժունության ծրագրերը և  այդ շրջանավարտների փորձը ներկայացնելու համար։

Հանդիպմանը բացման խոսքով հանդես եկավ Հայաստանում Էրազմուս+ ծրագրերի համակարգող Լանա Կառլովան։ Ծրագրերի շրջանավարտները կիսվեցին իրենց եվրոպական փորձով, ներկայացրին Հայաստանում իրենց հաջողությունները եվրոպական ծրագրերին մասնակցելուց հետ։

Միջոցառմանը մասնակից Երևանի «Հայբուսակ» համալսարանի և քոլեջի ուսանողներն ու աշխատակիցները կարևոր տեղեկություն ստացան Էրազմուս+ ծրագրի վերաբերյալ։ Ծրագրի թիմը կայցելի «Հայբուսակ» համալսարան և կներկայացնի ծրագիրը ս․թ․ հոկտեմբերի 19-ին ժ․ 13:00-ին։

հանդիպում Հայաստանում Էրազմուս+ ծրագրերի թիմի հետ

Հարգելի՜ ուսանողներ
Տեղեկացնում ենք, որ հոկտեմբերի 19-ին ժամը 13։00-ին Երևանի «Հայբուսակ» համալսարանի գրադարանում տեղի կունենա հանդիպում Հայաստանում Էրազմուս+ ծրագրերի թիմի հետ։ Բոլոր ցանկացողներին հրավիրում ենք հանդիպման՝ բացահայտելու լավագույն հնարավորությունները փոխանակման ծրագրերերով արտերկրում սովորելու և նոր գիտելիքներ և հմտություններ ձեռք բերելու։

Erasmus Days 2022

ՈՒՇԱԴՐՈՒԹՅՈՒՆ
 
Սիրելի՛ Երևանի «Հայբուսակ» համալսարանի ուսանողներ, հոկտեմբերի 13-ից կմեկնարկի #ErasmusDays2022 եռօրյա ծրագիրը։ Եթե ցանկանում եք Ձեր կրթությունը շարունակել արտերկրում և հետաքրքրված եք փոխանակման նմանօրինակ ծրագրերով,
ապա սա լավագույն հնարավորությունն է իրագործել այն։
Ծրագրին մասնակցելու համար, պետք է գրել կարճ էսսե, որտեղ կպատմեք՝ ինչ մասնագիտությամբ եք այժմ սովորում, որ երկրում եք ցանկանում շարունակել ուսումը և ինչ գիտելիքներով և հմտություններով կվերադառնաք՝ զարգացնելու ձեր համայնքը։
Էսսեները ուղարկեք haybusak@gmail.com էլ. փոստին: